Los alumnos y alumnes de 4u d’ESO y de 1u de Bachilleratu d’Asturianu resultaron premiaos nel Certame de Cartelismu de la Conseyería d’Educación y Cultura, na presente edición.
Nel casu de 4u, participaron Yissel Saharai Esteban Ramírez, Robert Aldair Coronel Garzón y Carlos Andrés López Alvarado, col trabayu “Camín llargu”, una ventana que quier ser metáfora del paisaxe asturianu y del bien facer y actuar.
En 1u de Bachilleratu, Verónica C. González Marín, Jimmy F. Mamani Coria, Sara Mayor Miravalles y Aitana Ramos González ellaboraron un mural con dos mitaes, nuna, trescríbese parte del poema “Paisenu”, que s’ilustra a mou de rompecabeces na otra mitá.
Los cartelos fixéronse con materiales reutilizaos (papel, cartón, llana, flores seques…), y dambes rerpresentaciones conceptuales tán basaes n’obres de Pablo Texón, qu’agradeció’l nuestru llabor coles palabres: “Por esto escribir yá valió la pena”, y que, casualmente, ye nomáu Académicu de la Llingua’l vienres 3 de mayu, el mesmu día que’l nuestru alumnáu va recoyer el Premiu n’Uviéu.
